Semar Mendem (lanjutan)

DHAGELAN WAYANG MALANGAN

Lanjutan Lakon Semar Mendem

 

Oleh Ki Djoko Rahardjo Arema Singo Edan*)

 

Pada cerita yang lalu (Bagian I)  Gareng mengadukan nasibnya kepada Ayahandanya (Ki Lurah Semar Bodronoyo) bahwa dirinya akan tergeser oleh prajurit dari Pringgodani dalam tugasnya sebagai lurah prajurit di Karangkedempel.

 

Gareng : Romo Semar iki piye, dilaporori anak-anake kok ora mudheng. 

 

Semar : Ngene thole…, anak-anakku…, Gareng, Petruk lan Bagong anggonku turu kepati utowo rodo suwe, amargo pirang-pirang dino iki aku lan wargo Klampis Ireng podho ngopyak-ngopyak anane pagebluk “uler wulu”. 

 

Petruk : Wow layak! Swarane Romo Semar koyo wong kang lagi mendem. 

 

Bagong : Mo…, saiki lak yo wis sehat to?  Kadit kubam (tidak mabuk) maneh, hehehe… 

 

Gareng : Bab babagan tata praja, aku iki lak yo Lurahe Prajurit Karangkedempel kang dipercaya karo Kanjeng Sinuwun Puntodewo kinen ngayahi “jejibahan keamanan” neng tlatah kene. Ananging saiki Sinuwun Gatutkaca, Ontorejo lan Ontoseno kang bakal dadi lurahe prajurit neng tlatah Karangkedempel. 

 

Petruk : Kang Gareng, kowe biyen nate melu olah tatakaprajan, olah kaprajuritan lan olah kanoragan. Malah diparingi kaprigelan dadi “telik sandi”. Rak yo ngono ta Kang Gareng? 

 

Bagong 

 

 

: Telik sandi kuwi lak pelajaran mangan “kintel” sing diwulang karo “Saribin”.
Petruk : Wis…, Bagong iki ora genah, kuwi dudu mangan kintel arane kodhok, kuwi ngono “inteljen”, lan sing mulang dudu Pak Saribin sing penggaweyane golek kodhok neng sawah, kuwi ngono “BIN” singkatan soko Badan Inteljen Nasional. 

 

Semar : Eeee…, Ndoro Gatutkoco kuwi lak prajurit kang “biso mabur”, Ndoro Ontorejo kuwi lak prajurit kang “biso ambles bumi” lan Ndoro Ontoseno kuwi lak prajurit kang “biso kambang ing nduwure banyu”. We…, lhadalah…, kuwi pakem endi sing dienggo? 

 

Gareng : Yo kuwi Mo sing nggarahi aku bingung. 

 

Semar : Ngene thole…, kowe lan aku iki “drajate amung batur”. Tembung “batur” (embat-embate pitutur), kuwi ateges bisane amung maringi pitutur marang bendarane, “purbowaseso” ono ing astane ratu gustimu. 

 

Petruk : Wow ngono…, dadi batur kuwi “ora oleh pinter lan bener”? 

 

Semar : Piye yo? Aku “jines” neng Klampis Ireng iki kurang telung taun. Dino iki lagi mikirake persiapan “pangsiun”. Aku kepingin dadi petani lan dadi MC (momong cucu). Yen tak rasak-rasake pancen koyo ngono kuwi, sing oleh pinter lan bener kuwi amung nalendra, mohoresi lan ratu gustimu. Nadyan kowe ono sing wis lulus Magister Ilmu Pemerintahan UB, Doktor Sosiologi UB, malah sedilut engkas Petruk dadi Doktor Akuntansi UB. 

 

Petruk : Jagat dewo bathoro! Yo jagate wong Jowo! Dino iki akeh wong Jowo sing ilang “Jawane”! Hem…! 

 

Semar : Wis thole…, ojo kok terusake anggonmu anggetuni perkara kuwi. Ayo podho mangan sego anget karo sambel tempe penyet, sing tempe kacange digodhok dadi siji karo  kulup, tomat, lan lomboke. Iki “sambel sehat” sing ora digoreng nganggo lengo. Amung digodhog nganggo  banyu wae. 

 

Bagong : Padine Romo Semar ojire sibun (uangnya habis) amergo tanggale kewut (tanggalnya tua) kadit osi ukut ongel ngerog (tidak bisa membeli minyak goreng), hehehe…

 

Tancep Kayon (TAMAT).

Komentar ditutup.

Categories

A sample text widget

Etiam pulvinar consectetur dolor sed malesuada. Ut convallis euismod dolor nec pretium. Nunc ut tristique massa.

Nam sodales mi vitae dolor ullamcorper et vulputate enim accumsan. Morbi orci magna, tincidunt vitae molestie nec, molestie at mi. Nulla nulla lorem, suscipit in posuere in, interdum non magna.